Tulo ka lungsod higpit batok panigarilyo

CEBU, Philippines — Tulo ka lungsos sa Probinsiya sa Sugbo ang gipasidunggan sa Department of Health gumikan sa kampanya alang sa smoke-free kagahapon.

Matud sa tigpamaba sa DOH-7, Ligaya Moneva, nga ang tulo ka lungsod nga gihatagan og Red Orchid Award mao ang San Remigio ug Tuburan sulod sa duha ka higayon ug ang unang higayon mao ang Lungsod sa Tabuelan.

Ang maong mga lungsod ang hingpit nga nagpatuman sa ilang smoke-free ordinance ug base sa gipahigayon nga validation taas ang ilang rating nga nilapas pa halos sa mga criteria nga gisitar.

Gawas sa mga local government units, may mga national agencies sab ang gihatagan sa Red Orchid Award sama sa Department of Social Welfare and Development, Bureau of Quarantine, Bureau of Jail Management and Penology, municipal ug city jails.

Awhag ni Ligaya sa mga LGUs nga wala silay lain mahatag sa ilang katawhan mao ang maayong panglawas ug ang pagpanigarilyo naghatag kini og daghang problema hinungdan nga mag-practice sila sa smoke-free ordinance.

Gihatagan sab og pasidungog sa DOH-7 ang mga sakop sa media sa ilang pagtabang sa mga programa sa departamento sa panglawas nga maabot ngadto sa publiko.  GMR (BANAT NEWS)