Atleta sa SEA Games likay una sa social media
CEBU, Philippines — Gilikayan una sa atleta nga si Mary Joy Tabal ang social media nunot sa negatibo nga balita kalabot sa Pilipinas sa pagdumala niini sa sa ika-30 nga Southeast Asian Games sa New Clark City, Pampanga.
Giangkon ni Tabal nga nabalda silang mga atleta sa Pilipinas tungod sa mga negatibong balita sanglit magrepresentar man sila sa nasud.
Nitambag sab si Tabal sa iyang kaubanan nga mo-focus nalang sa kompetisyon.
Karong Disyembre 6 mahitabo ang marathon sports nga apilan ni Tabal kinsa subsob nga nagbansay-bansay.
Human makuha ang gold medal niini sa 2017 SEA Games, determinado si Tabal nga madepensahan ang iyang titulo karon nga Pilipinas maoy host country. Gihugaway niini nga maayo ang dagan sa iyang preparasyon ug training diin lima ka buwan ang pagpangandam sugod niadtong Hulyo ug dul-an tulo ka buwan ang iyang training sa Japan.
Gihatagan sab og pagtagad ni Tabal ang pag-recover sa iyang mga tiil human sa pagdagan niini og dugay.
Naghinam-hinam ang atleta sa SEA Games sanglit sa Pilipinas man kini mahitabo. GMR (BANAT NEWS)
- Latest