Labella buot pahulipan si Maines kang Banzon

CEBU, Philippines — Gipasabot sa officer in charge sa Cebu City Police Office (CCPO) Police Colonel Geovanie Maines nga dili pa siya mamahimo nga hulipan isip OIC sa CCPO tungod kay nagpadayon pa ang imbestigasyon sa National Bureau of Investigation (NBI) batok kang Police Colonel Gemma Vinluan ug uban pang polis subay sa pagbanhig patay kang Clarin Misamis Oriental Mayor David Navarro.

Ang maong pamahayag ni Maines kalabutan kini sa suwat ni Cebu City Mayor Edgardo Labella nga naghangyo sa acting director sa Police Regional Office (PRO)-7 Valeriano De Leon nga buot niya nga pahulipan si Maines kang Police Colonel Arnel Banzon.

Matud ni Maines nga huwaton una nila ang imbestigasyon sa NBI kabahin sa kamatayon ni Navarro.

Gipasabot ni Maines nga mamahimo nga makabalik paglingkod isip city director si Vinluan kong mapamatud-an nga wala kini nahimong lapso sa nahisgutang insidente.

Apan kong masuta nga aduna kini nahimong lapso o pagkuwang dili na kini mamahimo nga makabalik sa pwesto isip direktor sa CCPO.

Hinuon matud usab ni Maines nga si De Leon isip regional director sa PRO-7 mao kini ang mohatag og kamanduan. (/BDB)(BANATNEWS)