Sexual harassment gisang-at batok ni Basamot
CEBU, Philippines — Moimbestigar ang Cebu City Legal Office batok sa pangulo sa Records and Archives Division sa Department of General Services nga si Engr. Lorenzo Basamot kinsa gireklamo og sexual harassment. Matud sa pangulo sa CLO, Atty. Rey Gealon, nga nidangop na sa ilang buhatan ang duha ka biktima niadtong Lunes aron mosang-at og pormal nga reklamo batok kang Basamot.
Gipasabot ni Gealon nga ipaagi gyud nila sa tukma nga proseso diin padalhan ang gireklamo nga opisyal og summon aron makaduso usab kini sa iyang counter affidavit ug mga ebidensya.
Si Gealon nitug-an nga wala silay palabyon sa maong imbestigasyon ilabi na seryuso ug bug-at ang reklamo nga gisang-at batok sa opisyal. (/GMR)(BANATNEWS)
- Latest