Drug free barangays sa Lapu-Lapu may tag P50 mil

CEBU, Philippines — Makadawat og  P50,000  ang 30  ka barangay  sa Dakbayan  sa Lapu-Lapu nga naglangkob sa 19  ka barangay sa mainland ug 11  usab ka barangay  sa Isla  sa Olango tungod sa pagkahimo nilang drug free barangays.

Si Mayor Junard Chan mohatag niini sugod karong Sabado. Ang  Barangay  Caohagan giila sa City  Anti-Drug  Abuse  Council (CADAC) drug  free human wala nay namonitor nga tiggamitan ug nagbaligya og illegal nga drugas sa maong dapit/

Atol sa Drug Abuse Prevention and Control week niadtong  Nobiyembre 22, 2019 dunay kinalit nga drug test sa 169  ka mga kawani sa siyudad gikan sa unom ka buhatan niini diha nga gipahigayon sa buhatan  sa City of  Lapu-|Lapu Office of Substance Abuse Prevention nga gipanguohan ni Gary Lao.

Samtang duha ka gidudahang drug pushers ang nadakpan sa Sitio Mananga 2, Barangay Tabunok, Dakbayan sa Talisay kagahapon sa buntag.

Ang mga nadakpan mao sila si Elizabeth Restauro, 53, nagpuyo sa maong lugar samtang naatlan nga kuyog niini mao si Manolito Abe, 40, taga Barangay Lawaan 2 sa maong siyudad.

Ang mga operatiba nirumbo sa lugar ni Restauro human natigayon ang transaksyon. Nakuhaan siya og siyam ug usa ka medium nga pakete sa gidudahang shabu samtang duha ka gagmay nga pakite sa shabu ang nakuha gikan ni Abe.

Ang duha ka dinakpan gibalhug sa bilangguan samtang nagpaabot nga pasakaan og kaso.(/IBM)(BANATNEWS)