Kampanya batok loose firearms, 204 armas ug mga granada nasakmit
CEBU, Philippines — Moabot na og 204 ka mga armas ug mga granada ang nasakmit sa mga sakop sa Cebu City Mobile Force Company (CMFC) sugod sa bulan sa Agosto ning tuiga nga kabahin sa kampanya sa PNP batok sa loose firearms.
Matod sa hepe sa CMFC Lieutenant Colonel Randy Korret, 75 percent sa mga armas nga ilang na-confiscate gikan sa mga bukirang barangay sa Cebu City.
Nagsugod unta sila sa ilang operasyon sa mga kabarangayan sa patag apan naglisod sila pagsubay tagsatagsa sa mga armas nga wala na ma-renew ang mga lisensya tungod sa kadaghan sa mga tawo ug dili kaayo managkaila ang mga tawo kay kadaghanan nag-abang lang.
Itandi sa bukid, bisan lagyo na kaayo og mga balay, managkaila gihapon ang mga tawo.
“We are just using the street rules, kasi most of the time ang mga may-ari ng firearms hindi naman educated ‘yan. Ang iba karamihan for ‘yung nasa taas, meron naman educated pero kailangan street rules ‘yung gamitin although meron tayong mga plano, mga ganyan, mga template but we need to consider yung emotion ng tao, depende sa approach, siguro sa approach lang nagkaka-alanganan,” pasabot ni Korret.
Subay niini, si Police Regional Office-7 Director Brigadier General Valeriano De Leon nga dako kining accomplishment sa CMFC.
Gidayeg niinin ang Officer-in-Charge sa Cebu City Police Office Director Police Colonel Geovanie Maines ingon man si Korret tungod niini.
Nasayran sab nga gawas sa mga nasakmit, duna say 14 ka mga armas nga lisensyado tuyong gitahan sa tagiya samtang giproseso pa ang mga dokumento niini. (/IBM)(BANATNEWS)
- Latest
