Babaye gikan nag-loan gitulis

CEBU, Philippines — Gitulis ang 69-anyos nga babaye kinsa gikan nag-loan samtang paingon sa Lungsod sa Minglanilla.

Ang biktima giila nga si Marife Unabia, taga Barangay Pakigne sa maong lungsod.

Matud sa hepe sa Minglanilla Police Station, Police Major William Homoc, nga gikan nag-loan sa Dakabayan sa Talisay si Unabia sakay sa jeepney ug posibleng gisundan sa duha ka tulisan.

Pag-abot sa mingaw nga dapit sa Barangay Lipata, Lungsod sa Minglanilla, kalit nga gitionan og hait nga hinagiban ang biktima ug gipangayo ang bag nga adunay kwarta.

Gibanabana nga mokabat sa P80 mil ang kwarta nga nadala sa duha ka tulisan.

Igo ra gipakanaug ang biktima sa may Barangay Pakigne human gitulis. GMR (BANAT NEWS)