Disgrasya sa kadalanan gipahinumdum sa LTO

CEBU, Philippines — Gipahigayon sa Land Transportation Office ang paghinumdum sa World Day of Remembrance for Road Traffic Victims kinsa nangamatay gumikan sa disgrasya sa kadalanan.

Matud ni LTO-7 Regional Director Victor Caindec nga nagpahinumdum kini sa mga mobiyahe nga luwas pinaagi sa pagmaneho sa mga sakyanan nga motuman gyud sa lagda sa trapiko aron walay disgrasya nga mahitabo.

Giingong upat matag adlaw ang mamatay gumikan lang sa disgrasya sa kadalanan sa Central Visayas.

“The road is not safe if people also do not cooperate kung dalan o sakyanan ang estoryahan dili mana makamatay pero ang pagpadagan, ang recklessness, ang kuwang sa equipted sa kaugalingon kung angayan ba mo-drive nga di ta maghunahuna nga makadamay sa uban,” matud ni Caindec.

Ang LTO-7 nibutang og mga motorsiklo nga nalambigit sa disgrasya ug lungon atubangan sa ilang rehiyonal nga buhatan sa Natalio Bacalso Avenue isip pahimangno sa mga motorista nga mag-amping sa pagmaneho aron dili masulod sa lungon.

Dugang ni Caidec nga sagad sa mga nadisgrasya ang mga nagmotorsiklo batok sa upat ang ligid nga sakyanan.

Mga over speeding ug over loading maoy sagad sa rason nga madisgrasya og daghan na kaayo nangamatay.

Awhag ni Caindec nga kinahanglan nga magmatngon ug magtinabangay aron malikayan ang disgrasya ug kinahanglan sab nga sa dili pa mobiyahe susihon ang sakayanan sama sa suga, ligid, brakes ug uban.

Nipahimangno usab si Caindec batok sa mga fixer sa lisensya sa pagmaneho. (/GMR)(BANATNEWS)