DOH nagsaulog sa skin awareness disease

CEBU, Philippines – Gisaulog karong buwana sa Department of Health (DOH)-7 ang skin awareness disease ug matud ni Dr. Joanri Riveral, consultant leprologist sa DOH-7 matag tuig na kini nga gisaulog.

Matud ni Riveral nga angayan masayod ang katawhan sa mahitabo sa panit kon magaras diin makabaton dayon kini og secondary infection ug usa kini sa makadaot sa trabaho ilabi na kon ang sakit naa sa tiil diin dili makalihok-lihok kun aduna nay irritation sa panit.

Gihulagway ni Riveral nga daghang klase sa skin diseases, dunay manakod ug adunay dili manakod.

Ang mga sakit sama sa psoriasis ug vitiligo mao kini mga sakit nga dili makatakod.

“Other diseases sa skin nga ma-manifest nimo usahay gikan na sa ilawom sa imong lawas, for example ang imong atay nadaot nagdag imong panit so mag-yellow naka, aside from that mawala na gani kolor sa imong panit mao ng moaksiyon og katol pero actually ang sakit dili sa panit tungod na sa iyahang internal organ nga na damage”, pasabot ni Riveral.

Gibutyag ni Riveral nga ang nag-unang reklamo sa mga tawo ilabi na kon mangunsulta mao ang katol, kolor o makita nila sa ilang panit nga pula, puti o manglagom diin pasabot niini dunay deperensiya ang panit tungod kay nausab ang normal nga kolor niini.

Dugan g ni Riveral nga ang saktong pamaagi aron malikayan ang mga sakit sa panit kinahanglang nga ang indibidwal motan-aw gyud sa ilang panit kada adlaw ug kon makita nga dunay deperensiya hugasan kini labi na kadtong nagpuyo sa bukirang dapit ug ipatan-aw gyud sa doktor ug dili mag-self-medication. (BANAT NEWS)