Dugang trabaho gihatag kang Palma
CEBU, Philippines – Gitudlo si Cebu Archbishop Jose Palma sa Santo Papa isip sakop sa Pontifical Council for Culture uban sa laing walo ka kauban niini gikan sa nagkadaiyang dapit sa kalibutan.
Si Palma maoy bugtong sakop sa pundok nga gikan sa Asya nga gitudlo sa Roman Curia Office ug motrabaho sulod sa lima ka tuig dugang sa iyang trabaho sa Sugbo.
Ang grupo ang konsultahon matag karon ug unya kabahin sa isyu nga may kalabutan sa kultura. Ang Pontifical Council for Culture magtuki kini may kalabutan sa science, arts, value and care sa Artistic and History Patrimony of the Church.
Kini usab ang gitahasan sa pag-establisar og relasyon sa Simbahang Katoliko uban sa nagkalainlaing rehiyon ug kultura. (/GMR)(BANAT NEWS)
- Latest