Mag-uuma gipusil patay
CEBU, Philippines — Patay na nga napalgan ang usa ka 43-anyos nga lalaki diha sa kalasangan sa bukirang bahin sa Purok 11, Barangay Bunga, Dakbayan sa Toledo niadtong Biyernes sa hapon.
Ang biktima mao si Joel Escala usa ka mag-uuma, nagpuyo sa maong lugar.
Matud sa hepe sa Toledo City Police Station Police Lieutenant Colonel Janet Rafter nga nakadawat sila og report nga adunay napalgang patayng lawas diha sa kalasangan.
Base sa imbestigasyon sa kapolisan nga niadtong Huwebes nananghid ang biktima nga moadto sa bukid aron unta mangahoy apan nilabay nalang ang gabii wala gihapon nauli ang biktima.
Mga alas 12:30 sa hapon niadtong Biyernes nakadawat og tawag ang kapolisan kabahin sa patay nga lawas nga napalgan diin aduna kini samad pinusilan sa ulo.
Ang kapolisan sa siyudad nagpahigayon og follow-up nga imbestigasyon sa maong insidente aron usab mailhan ang criminal. (/BDB)(BANATNEWS)
- Latest
