Telco mosud sa SRP pinaagi sa PPP tali sa siyudad
CEBU, Philippines — Ang Dakbayan sa Sugbo mosulod sa usa ka Public-Private Partnership (PPP) kauban ang usa ka kompanya sa telecommunication nga ibutang diha sa South Road Properties (SRP).
Ang PPP usa ka kasabutan nga kontraktwal tali sa gobyerno ug usa ka pribadong sektor nga mapuslan sa duha, ug mapaayo ang mga proseso sa pagpatuman sa mga proyekto sa paghatud sa mga serbisyo sa publiko. Sa PPP makakuha ang SRP og bahin sa kita gikan sa mga mogamit sa napiling telco.
"The thrust of the mayor is this, to enter with a PPP with a telco, so that the SRP mag income siya sa mga subscribers sa fibre optics and internet,” si Atty. Jose Daluz III, SRP Manager miingon.
Ang maong telco maoy mogastos sa tanan gikan sa pagmuntar sa telepono, internet o fiber optics ug data services dugang pa ni Daluz.
"Daghan na kaayo initially ni agree nga mga telco company, maglumba ni sila kinsa mohatag og maayo nga sharing nato,” dugang pa niya, apan wala pa hinuon mahibaw-i kun pila ang share nga makuha sa siyudad. (/IBM)(BANATNEWS)
- Latest
