Pacquiao, Mabatid nanghatag sa nasunogan
CEBU, Philippines — Nanghatag og hinabang sila si Senador Manny Pacquio ug Konsehal Niña Mabatid sa mga biktima sa sunog sa Barangay San Roque, Dakbayan sa Sugbo kagahapon.
Matud ni Konsehal Niña Mabatid nga naghatag sila og tag P500 matag usa nga nasunogan ug aduna sab mga personal hygiene nga gipangapod-apod.
Giingong kaugalingong kuwrta ni Mabatid ug Pacquio ang gipanghatag tungod sa programa nga Paspas Card.
Si Miraflor Lucaban, 28-anyos nga usa sa naka-benepisyo, mapasalamaton kaayo sa tabang. Nanghinaut usab siya nga makabalik pa sa ilang gipuy-an diin siya nagdako ug naminyo ug adunay tulo ka anak. (/GMR)(BANATNEWS)
- Latest