Cebu City, Talisay motabang sa Mindanao
CEBU, Philippines — Gipasalig ni Cebu City Mayor Edgardo Labella nga ang kagamhanan sa siyudad mohatag og hinabang sa mga biktima sa linog sa Mindanao.
Si Konsehal David Tumulak ang nangulo sa grupo nga nisusi sa lugar aron pagsuta sa mga nag-unang panginahanglan.
“They will make a report to us on what are the things that are needed primarily, the aids that we would be sending to these affected municipalities," matud ni Labella.
Si Labella niingon nga ang labing importante nga ipadala mao ang tubig.
Nagbutang na sab ang siyudad og duha ka relief assistance centers diin ang publiko makapadala sa ilang mga donasyon nga nahimutang sa Fuente Osmeña ug Plaza Sugbo nga gitawag og "Cebu City Tabang Mindanao."
Nakig-alayon sab ang siyudad sa Cebu Chamber of Commerce and Industry aron mahatagan og dugang tabang sa Mindanao.
Samtang ang Aksyon Agad ni Talisay City Mayor Gerald Anthony “Samsam” Gullas Jr. mohatag sab ang ayuda sa Mindanao. Si Gullas nihangyo na sa konseho sa pagpasar og resolusyon sa paggahin og pinansiyal nga tabang apan dili pa siya makasulti kun pila.
Nagkaestorya na siya sa gobernador sa Davao del Sur ug sa North Cotabato nga pulos niya mga higala.
Nagbutang sab og drop off center sa Talisay City Hall alang sa gustong mopaabot sa ilang tabang ilabi na sa mga silingang lugar sa habagatan.
Gipahibawo sa Philippine Coast Guard 7 nga padayon gihapon sila nga nanawat og donasyon ug andam mohakot aron dili na maglisud ug mohatag sila og kopya sa resibo aron mapadala sa incident command system ug ma-document ang tanang relief goods alang sa Mindanao.
“It is a multi-facet ng Coast Guard Central Visayas lahat po dito within our region is extending their hands para po makatulong tayo dito sa mga nasalanta nga lindol,” matud ni Lt. JG Michael Encina. GMR (BANATNEWS)
- Latest
