Mangolekta og mga basura pasul-obon og PPE

Cebu, Philippines —Ang konseho sa Dakbayan sa Sugbo niawhag sa Department of Public Services (DPS) nga hatagan og personal protective equipment (PPE) ang tanang garbage collector sa siyudad.

Ang pagpangolekta sa basura naghatag kini og peligro sa panglawas sa mga garbage collector ilabi na kong kanunay nilang mahanggap ang mga kemikal nga naa sa basura.

Gipalabang sa konseho sa siyudad ang resolusyon ni Konsehal Alvin Dizon nga nag-awhag sa DPS nga hatagan ang mga kolektor sa basura og PPE sama sa dusk mask, safety coverall, safety footwear, eye protection og safety gloves.

Kini aron maprortektahan ang ilang panglawas ug ingon man sa posibleng aksidente nga mahitabo.

Ug kinahanglang i-monitor usab sa DPS kong nituman ba ang mga garbage collector sa pagsul-ob og PPE.  BDB ( BANAT NEWS)