Mga kapitan sa Talisay makigtagbo sa MCWD

CEBU, Philippines — Tinguha ni Talisay City Mayor Gerald Anthony “Samsam” Gullas Jr. nga mapasabot ang 22 ka barangay kapitan sa taga Metropolitan Cebu Water District kun nganong dili sila kahatag sa tanang Talisaynon og tubig.

Naglibog si Gullas kun nganong dili sila kahatag og tubig nga anaa man sa ila ang tinubdan sa tubig.

Bisan dunay kausaban sa pamunoan sa MCWD, nanghinaut si Gullas nga dili siya pakyason sa mga opisyal.

Gituyo ni Gullas ang tigum tungod kay ang mga kapitan man ang modawat sa mga yangungo sa ilang konstituwente labot sa tubig.

Nanghinaut si Gullas nga masulbad ra ang problema sa tubig nga giatubang sa MCWD. GMR (BANAT NEWS)