Pagpatay sa 14-anyos, unom gipa DNA test

CEBU, Philippines — Unom ka persons of interest sa kamatayon sa 14-anyos nga dalagitang si Justine Andayop sa lungsod sa Pinamungahan gikuhaan na og DNA samples sa PNP Crime Lab niadtong nilabay nga adlaw. Si Police Major Felicisimo Aranas, hepe sa Pinamungahan Police Station nga nahinabi sa Banat News nga sa unom nilang giimbitar wala pay matumbok nga suspek. Gipaabot nila ang resulta sa  DNA test nga dalhon pa ni Dr. Benjamin Lara didto sa kaulohan. Wala hinuon mosupak ang unom dihang ilang giimbitar. Si Aranas nitug-an ang lima nga napuno nga persons of interest, usa niini silingan sa biktima ug iyang mga tawo ug aduna pay lain nga giimbitar aron magpaubos sa DNA test.

Sumala pa ni Aranas ang pamilya sa bata mitug-an nga ilubong nila karong adlaw nga Biyernes ang ilang anak ug giawhag kadtong posibleng nakasaksi nga mohatag og impormasyon aron mahatagan og hustisya si Andayop. Ang cellphone sa biktima ipatan-aw sa PNP Cyber-Crime Group kung unsay unod  inbox niini nga posibleng makatabang sa imbestigasyon. (IBM)(BANATNEWS)