25 ka tawo pilian alang sa MCWD Board

CEBU, Philippines — Human sa pagtangtang lima ka sakop sa Board of Directors sa Metropolitan Cebu Water District (MCWD), gikompirmar ni Cebu City Mayor Edgardo Labella nga dunay 25 ka ngalan nga girekomendar kaniya aron mohulip sa bakanteng posisyon.

Usa niini si kanhi Cebu City mayor Alvin Garcia, ang amahan ni Konsehal Raymond Alvin Garcia.

Ikaduha ang kolumnista ug komentarista nga si Atty. Frank Malilong ingon man ang sinaligan ni Gobernador Gwendolyn Garcia nga si Atty. Manolette Dinsay.

Matud ni Labella nga ang pagpili sa ihulip nga mga direktor sa MCWD Board dili sayon tungod kay kinahanglan niya masusi ang kwalipikasyon niini ug kinahanglan sab ikonsulta sa ubang mga opisyal sa siyudad.

Samtang gipaabot ni Labella nga adunay mopasaka og kaso labot sa pagtangtang niya sa mga opisyal sa MCWD.

Kung mahitabo, hayan mabakanate una ang mga posisyon hangtud mahuman ang kaso. (BANAT NEWS)