Cebu labing dato nga Probinsiya

Nagpabilin nga labing dato nga probinsiya sa tibuok Pilipinas ang Probinsiya sa Subo base sa 2018 Annual Financial Report sa Commission on Audit.

Ang Probinsiya sa Sugbo adunay P35.6 bilyones nga total assets sa tuig 2018 diin nisaka kini gikan sa P34.1 bilyones sa tuig 2017. Base sa financial position statement sa COA, ang Probinsiya sa Sugbo adunay P4.3 bilyones nga liabilities ug P31.3 bilyones nga equity.

Sa financial performance, ang probinsiya adunay P4.6 bilyones nga total revenue.

Layo ang biya sa ikaduha nga labing dato nga mao ang Probinsiya sa Compostela Valley nga dunay P19.6 bilyones nga assets, gisundan sa Batangas nga adunay P18.1 bilyones; Rizal (P18 bilyones); Bukidnon (P15.2 bilyones); Negros Occidental (P14.4 bilyones); Laguna (P11.5 bilyones); Iloilo (P11.4 bilyones); Palawan (P11.27 bilyones) ug Zambales (P11.24 bilyones).

Sa mga siyudad, ang Makati City ang labing dato nga dunay P230 bilyones nga asset samtang ang Dakbayan sa Sugbo anaa sa ika-lima nga adunay P33 bilyones nga asset.  (BANAT NEWS)