Mga seminar sa DILG gisaway ni Gwen
CEBU, Philippines — Gikwestiyon ni Gobernador Gwendolyn Garcia kun nganong nagsige og seminar ug conference ang Department of Interior and Local Government (DILG).
Na-obserbaran sa gobernador nga pipila sa mga department heads ang ipadala og seminar sa maong ahensya og pipila ka adlaw nga mabiyaan na ang trabaho niini.
“Mao na sometimes, I’m wondering kung sakto ba nang direction ron sa atong DILG nga sige ra og seminar seminar, puros lang workshop workshop, training training, unya daghan kaayo mga dokumento nga ipa-produce, mura raba og makatabang sa LGU. Halos ang tanan na lang trabaho sa atong department head, paseminaron og lima ka adlaw, paadtoon sa diin to dapit, usahay dili diri ha, somewhere else,” matud ni Garcia.
Matud sa gobernador nga ang maong mga seminar ug workshop, sa iyang nasayran, alang sa capability building, data base gathering ug uban pa.
“Maayo pa wala sila mag-seminar in some plus hotel nga sige lang og lingkod, sige ra og yaw-yaw, maayo pa sige sila og libot sa tibuok probinsiya unsay efforts sa mga mayor makatabang unta sila,” matud ni Garcia. GMR (BANAT NEWS)
- Latest