Kahuot sa CCJ gitinguhang moloag
CEBU, Philippines — Nipadayag sa iyang suporta si Cebu City Mayor Edgardo Labella sa decongestion project alang sa Cebu City Jail (CCJ) diha sa Barangay Kalunasan.
Gipasabot ni Labella nga sa niaging tulo ka tuig nagkagrabe ang kahuot sa mga inmate diha CCJ.
Gibutyag ni Labella nga kabahin siya sa operation decongestion niadtong konsehal ug bise mayor pa siya sa siyudad.
Matud ni Labella nga daghang mga piniriso diha sa CCJ diin ang mga kaso mahimong mapaubos sa “plea bargaining” o mahimong maka-avail sa probation
Ang inmate mahimo kining makapaubos sa probation kong ang abogado niini mopresentar og court order. Gibutyag usab ni Labella nga kaniadtong bise mayor pa siya ang iyang decongestion project ang mga edukado nga piniriso nabansay sa pag-evaluate sa ilang mga kauban nga priso.
Ang proyekto giingong nagmabungahon tungod kay niloag ngadto sa 50 porsyento ang prisohan.
Gihisgutan usab ni Labella ang problema sa CCJ sa suplay sa tubig.
Matud ni Labella nga ang ka kulang sa tubig mahimong hinungdan sa pagkatap sa mga sakit.”
Gipasalig ni Labella nga suportahan sa kagamhanan sa siyudad ang mga programa sa imprastraktura alang sa CCJ. Ang warden sa CCJ giawhag ni Labella nga mo sumiter og usa ka “wish list.”
Aron mahibaw-an kong unsaon sa pagpauswag ang kahimtang sa mga prisohan ug sa mga priso. BDB (BANATNEWS)
- Latest