PNP dili mohatag og police assistance sa mga demolition

CEBU, Philippines – Ang kapolisan sa Dakbayan sa Sugbo giingong dili mohatag og police assistance sa mga demolition nga ipahigayon sa siyudad kong walay certification nga ipakita gikan sa lokal nga kagamhanan.

Kini ang gitug-an sa direktor sa Cebu City Police Office (CCPO) Police Colonel Gemma Cruz-Vinluan nga nahinabi sa mga tigbalita

Matud ni Vinluan nga motamod sila sa tinguha ni Mayor Edgardo Labella sa pag- extend usa sa demolition sulod sa unom ka bulan hinungdan nga dili sila mohatag og police assistance kong adunay demolition nga ipahigayon.

Si Vinluan nagkanayon nga bisan og adunay court order unya walay certification gikan sa local government dili gihapon sila mohatag og police assistance tungod kay ilahan g sundon mao man ang balaod nga matag demolition nga himuon kinahanglan nga adunay certification gikan sa mayor. Ug sa higayon nga adunay ipahigayon nga demolition diin kong adunay kagubot nga mahitabo anha pa moresponde ang police aron i-settle ang problema.

Gipasabot ni Vinluan nga dili mointerbinar ang polis tungod kay dili usab siya buot nga mag-atubang og reklamo ug harassment ang iyang mga sakop. Ang pamahayag sa director giluwatan human si Labella nihangyo og unom ka bulan nga extension una ipahigayon ang demolition aron makapangita sila og lugar nga mahimong mabalhinan sa mga maapektahan. (/BDB)(BANAT NEWS)