Pork products sa mga Koreans ipa-dispose
CEBU, Philippines – Ang Korean Association of Cebu (KAC) nipasalig sa kagamhanan sa lalawigan sa Sugbo nga mokooperar sila sa kampanya sa Sugbo batok sa African Swine Fever (ASF) virus pinaagi sa pagpabalik sa tanang mga karneng baboy ug produkto gikan niini gikan sa ilang mga Korean stores ug mga kan-anan. Si Governor Gwendolyn Garcia, chairperson sa Cebu Provincial ASF Task Force, nakigkita sa kadagkoan ug mga sakop sa KAC kagahapon kay ang after South Korea usa sa mga bag-ong mga nasud nga natakboyan og ASF virus ang ilang mga baboyan, apil sa mga bag-ong nalista ang mga nasud sa Serbia ug Myanmar.
Si KAC president Bong Hwan Cho miingon nga ilang awhagon ang ilang mga kababayang nag-negosyo dinhi nga i-pullout ang ilang mga de latang karneng baboy sugod pa niadtong Enero 2019.
Buot ni Garcia nga tanang produkto sugod sa maong buwan gikan sa mga nasud nga naapektahan og ASF kinahanglang dili na ibaligya kay tingali og naa na kini virus bisan pa man nga ang Department of Agriculture miangkon nga nakasulod na kini dinhi niadto lang Agusto apan duna nay namatay nga baboy tungod sa maong sakit niadto pang Hulyo.
Pagkakaron, duna nay 22 ka mga nasud nga kompirmadong naapektahan sa ASF apil na ang Pilipinas human dunay mga nangamatay nga mga baboy sa Luzon.
Sa South Korea, ang ASF virus nakompirmar tungatunga sa bulan sa Septiyembre. Apan gusto gihapon ni Garcia nga tanang pork products gikan Enero ning tuiga ipang-dispose tanan.
“The danger is clear and present. We have to protect the Island of Cebu. I am calling all sectors to cooperate and help so we can prevent the entry of the virus in Cebu,” si Garcia miingon sa iyang post sa Sugbo News Facebook page, ang official page sa Cebu Provincial Information Office.
Nagpasalamat si Garcia sa Korean community ug ni Consul General of the Republic of Korea Uhm Won Jae ug Cho sa dinalian nilang kooperasyon ug pasalig.(Gikan sa The Freeman/IBM)
- Latest
