5 CICL wa pa mabalik sa OSC
CEBU, Philippines – Lima sa 11 ka children in conflict with the law (CICL) nga nakaikyas gikan sa Operation Second Chance niadtong Biyernes sa gabii ang wala pa mabalik sa pasilidad.
Giawhag ni Cebu City Mayor Edgardo Labella ang mga ginikanan sa mga nakaikyas nga CICL nga tabangan ang mga awtoridad nga ibalik ang kabataan sa pasilidad sa Barangay Kalunasan.
Hangyo ni Labella sa mga ginikanan nga dili itago ang mga bata tungod kay kung dili sila mahibalik sa pasilidad, ang custodian ang adunay tulubagon.
Ang duha ka nakaikyas nga CICL nga gibalik na sa pasilidad niakusar sa ilang house parents nga nibuhat og dautan hinungdan nga kini gipaimbestigar ni Labella.
Sigun sab ni Labella nga mamahimong makig-estorya kaniya ang duha ka bata. (/GMR)(BANAT NEWS)
- Latest
