Cebu National Museum tukuron

CEBU, Philippines — Giaprobahan na sa Cebu Port Authority Board ang Deed of Usufruct tali sa CPA ug sa National Museum.

Matud ni CPA Commissioner Mike Lopez nga kini ang primerong ang-ang aron matuman na ang national museum nga mao karon ang Malacañang sa Sugbo.

Ang Malacañang sa Sugbo gipanag-iya sa CPA ug gamiton kini sa National Museum sulod sa 25 ka tuig nga libre.

“Since the NM will be using it rent-free for 25 years, this can be consider it CPA’s corporate social responsibility and our contribution to promoting Filipino culture and heritage,” matud pa ni Lopez.

Matud ni Lopez nga ang NM na ang mogasto alang sa pagpaayo sa edipisyo.

Ang Malacañang sa Sugbo gigamit kini isip opisina sa Bureau of Customs kaniadto.

Dugang pa ni Lopez nga mag-finalized pa sila sa laing deed of usufruct tali sa Bureau of Customs aron padayon kining makagamit sa ilang opisina nga giokupahan karon nga naa nahimutang sa Cebu International Port.

“We are finalizing another deed of usufruct with Customs so they could continue using their current space and develop if for a new office building for which they already have a budget. The board has yet to approve this but I am for it,” matud ni Lopez.

Dugang pa ni Lopez nga ang ilang buhaton karon mao ang pagpapirma sa mga signatories sa maong deed of usufruct nga mao ang CPA ug NM aron hingpit na nga matuman ang usa ka national museum sa Cebu. (Mitchelle L. Palaubsanon/GMR)

Wa natawo sa Mandaue makadawat og P100T

Aprobado na sa konseho sa Siyudad sa Mandaue ang ordinansahon nga lakip na sa makadawat sa P100,000 cash gift nga mag-edad og 100-anyos kadtong natawo sa laing lugar.

Kini isip kausaban sa nahaunang ordinansa nga gitawag og Centenary Senior Citizen Award nga nagtugot lang niadtong mga centenarian sa pagdawat sa maong kantidad kung nahimugso lang sa dakbayan.

Si Konsehal Jimmy Lumapas ug Cesar Cabahug Jr. maoy nangamahan sa pag-amendar sa nahaunang ordinansa nga giaprobahan niadtong Oktubre 4, 2019. Ang paghatag sa maong cash gift itumong sa adlawng natawhan sa hingtungdan.

Gitataw hinoon sa maong ordinansa nga kinahanglan nga taas ang panahon ang pagpuyo sa hingtundan sa Dakbayan sa Mandaue apan wala sab nakabutang kung pila ka tuig.

Si Lumapas sa ilang giamendahan nga ordinansa nipasabot nga wala mag-ihap sa gidugayon sa tuig sa pagpuyo sa usa ka centenarian sanglit ang pagpakita lang og mga kamatuoran sa iyang pagpuyo ang gikinahanglan nga naglakip sa pagpakita sa iyang valid ID, voters records, mga government transactions ug uban pa. (/GMR)(BANATNEWS)