Karne gikan sa Luzon ipauli
CEBU, Philippines — Gipasidan-an ang mga manindahay sa kamerkaduhan ug mga supermarket sa Talisay City Veterinarian nga iuli sa ilang supplier ang mga karne nga gikan sa Luzon.
Kini human nasuta sa Task Force African Swine Fever (ASF) nga padayon gihapon ang pagpaninda sa mga karne nga gikan sa lugar nga apektado sa ASF.
Nasuta nga daghan gihapon ang namaligya sa mga karne nga gihimo og toccino, hotdog, canned goods o bisan unsa nga gikan sa kaulohan.
Si Gob. Gwendolyn Garcia ang nimando sa pag-ban sa mga karne gikan sa Luzon gumikan sa outbreak sa ASF.
Matud ni City Veterinarian, Dr. Mary Thesa Lorainne Alo, nga napulo ka adlaw lang ang ilang gihatag sa mga manindahay sa pagtuman sa ilang kamanduan.
Kun dili tumanon, sakmiton nila ang mga tinda nga karne ug sunogon. (/GMR)(BANATNEWS)
- Latest
