Gi-salvage nailhan na

CEBU, Philippines – Lalaki nga nakit-ang wala nay kinabuhi sa kakahoyan sa Sitio Kabasaan, Barangay Tagbao sa Dakbayan sa Sugbo nailhan na sa mga tinugyanan sa kapulisan sa Talamban Police Station niadtong Miyerkules sa gabii pinaagi sa amahan sa amahan sa biktima.

Ang biktima naila nga si Jouie Lee Villagonzalo, 25, taga Barangay Sambag 2, ning dakbayan, samtang ang mamumuno wala mailhi.

Nakit-an ang biktima nga nakagapos duol sa kahoy sa lugsongon nga bahin sa may Sitio Cabasaan sa maong barangay. Ang biktima nasugod na og kadugta dihang nasigpatan sa usa ka motorista kinsa daling mitawag sa kapolisan.

Nangulo sa maong investigation mao si Police CPL Michael Angelo Singson sa Talamban Police ug base sa ilang initial nga investigation gikan samtang nagmaneho kini sa iyang motor, nihunong kini sa lugar aron sa pagsusi sa iyang ligid ug didto nakatimaho kini og grabeng kabaho.

Sa paghangad niini sa subidahong bahin kilid sa dalan iyang nakita ang patay nga lawas ni Villagonzalo.

Nkaangkon kini og samad sa ulo, samtang ang mga kamot gihigtan og liston sa sapatos ug ang mga tiil gihigtan usab og nylon.

Sa pagkakaron padayon pa ang imbestigasyon sa kapulisan tungod kay blangko pa sila sa kamatayon sa biktima kinsa personal nga giila sa iyang amahan nga si Louiesito Villagonzalo sulod sa punerarya. (/IBM)(BANAT NEWS)