New born screening importante

CEBU, Philippines – Nagpahinumdum ang Department of Health sa kamahinungdanon sa screening sa bata nga bag-ong nahimugso.

Kini nunot sa pagsaulog sa unang semana sa Oktubre isip National New Born Screen Awareness Week.

Matud ni Jaika Jel Besira, Program Development Officer III sa DOH-7, nga paagi kini aron sayo nga masayran ang bata kung duna bay sakit.

Ika-23 ka tuig na karon sa new born screening nga nagsugod niadtong 1996 hinoon sa maong tuig gamay pa lang ang nagtanyag niini. Base sa pagtuon sa mga OB Gyne ug Pediatricians sa Manila nga sa 24 ka tambalanan ilang nakit-an nga importante gyud ang new born screening hinungdan nga nahimo kining programa sa DOH. Karong tuiga sab hingpit nga gi-implementar ang gitawag nga expanded new born screening.

“Wala nato atong karaan nga new born screening katong traditional nga unom lang ka sakit karon naa na tay 29 ka disorders unya maka-cover na na gyud siya sa Philhealth tanan kumbaga wala nay bayran ang ginikanan ani. Nagsugod siya actually 2014 kani atong expanded so 28 ka sakit, so last year lang 2018 nadugangan og isa so nahimo na siyang 29 nga disorders,” matud ni Besira. (/GMR)(BANAT NEWS)