Gen. Sinas andam moatubang sa Kongreso
CEBU, Philippines – Andam si Police Regional Office 7 Director Debold Sinas nga moatubang sa higayon nga ipatawag sa Kongreso.
Kini aron patubagon may kalabutan sa pagbuhi sa 182 ka langyaw nga giingong nalambigit sa ilegal nga Philippine Offshore Gaming Operations (POGO) sa Dakbayan sa Lapu-Lapu niadtong Septiyembre 7.
Si Kongresista Robert Ace Barbers, chairman sa House Committee on Dangerous Drugs, nagtinguha og inquiry batok sa local chief executives, police officials ug state prosecutors sa Sugbo human sa pagbuhi sa mga Insik nga nalambigit sa ilegal nga POGO.
Si Sinas nipadayag nga andam sila mopresentar sa ilang habig sa higayon nga ipatawag sila sa Kongreso alang sa pagpasabot sa maong panghitabo.
Sumala pa ni Sinas nga nisuporta sila sa Criminal Investigation and Detection Group kay usa kini sa ilang major support unit, hinungdan nga ila gyud kining suportahan sa higayon nga aduna kini mga operasyon.
Matud ni Sinas nga wala siya nasayud kung kanus-a magpatawag si Barbers. (/GMR)(BANAT NEWS)
- Latest