Opisina ni Labella anha na sa ground floor sa City Hall
CEBU, Philippines — Sugod karong adlawa anha na molingkod si Cebu City Mayor Edgardo Labella sa iyang bag-ong opisina nga nahimutang sa ground floor sa Cebu City Hall executive building.
Matud ni Labella nga dali ra siya nga maabot sa publiko kinsa nanginahanglan og tabang tungod kay nahimutang man sa ground floor ang iyang buhatan.
“Let us always remember that the office of the mayor, or any public office, is an office that is duly devoted to service. As I’ve said over and over again, the public office is a public trust and the public officials are always presumed to be servants not masters of the people”, matud ni Labella.
Ang mga igsuon ni Labella ang nidonar og P2 milyones alang sa pagtukod sa iyahang bag-ong opisina.
Ang City Treasurer’s Office ug Business Permit and Licensing Office mao na karon ang bag-ong opisina sa mayor diin aduna kini information desk, receiving area, VIP lounge, conference room, administration office, media lounge ug mayor’s study .
Nipasalig si Labella nga sa higayon nga siya mobiya na sa iyang katungdanan sa city hall ipabilin gihapon niya ang opisina sa orihinal niining dagway ug ang mga gamit nga matangtang lang ang iyang igawas o dalhon.
Ang public information office ug opisina sa protocol makit-an usab sa ground floor sa executive building.
Samtang ang South Road Properties Management Office, Barangay Affairs Office, Division for the Welfare of the Urban Poor (DWUP) Office ug Land Management Office karon nahimutang diha sa ikawalong andana sa executive building. (/BDB)(BANATNEWS)
- Latest
