PCG-7 dunay dugang pasilidad sa Bohol
CEBU, Philippines – Ang Philippine Coast Guard (PCG)-7 nipahigayon og Maritime Law Enforcement Patrol kagahapon diin subay kini sa groundbreaking activity nga nahitabo diha sa Balicasag Island sa Probinsiya sa Bohol.
Si Lieutenant Junior Grade Michael Encina, tigpamaba sa PCG-7 nibutyag nga aduna sila’y dugang asset nga i-deploy.
Usa niini mao ang fastest asset sa PCG nga ang dagan 40-45 knots ang gikusgon.
Usa ka rigid hull inflatable boat diin maoy gamiton sa special operation units sa PCG-7 alang sa search and rescue operations ang gi-deploy sa Bohol subay kini sa radar activation nga gihimo sa Balicasag. Gibutyag ni Encina nga ang mga asset usa gamiton sa PCG sa pagpahigayon sa five core function sa PCG nga gilangkuban sa Maritime Law Enforcement, Maritime Security, Marine Safety Administration, Marine Environment Protection ug Search and Rescue Operation.
Nunot niini, gihulagway ni Encina nga mas paspas ug mas epektibo ang five core function ug maghatag kini og maayong serbisyo sa komunidad.
“This is an intensified maritime law enforcement activities na ginagawa natin, this is also in partnership with Marina and DOT especially diyan sa may Panglao and Balicasag area so with the assets na na-acquired natin and nagkaroon tayo ng blessing kahapon isa ito sa mga magiging force multiplier natin sa area”, matud ni Encina.
Nasayran nga nahuman ang construction sa radar activation sa niaging semana diin dunay nahitabong groundbreaking ceremony diha sa radar station sa Balicasag.
Mahimo kining kabahin sa coastguard monitoring capabilities ingon man maritime domain awareness sa habagatang parte sa Central Visayas sama sa Negros Oriental, Siquijor ug Southern Bohol. (/BDB)(BANAT NEWS)
- Latest
