CBCP nitimbaya sa Cebu Press Freedom Week

CEBU, Philippines —  Bag-ong natudlo nga chairman sa Episcopal Commission on Social Communication sa Catholic Bishops Conference of the Philippines, Bishop Marcelino Antonio Maralit Jr. niawhag sa mga sakop sa media sa Sugbo sa pabilin sa pagkamatinud-anon.

Si Maralit nipaabot sa iyang pagtimbaya sa mga sakop sa media sa Sugbo sa pagpahigayon sa Cebu Press Freedom Week ug sa usa ka buwan usab nga kalihukan sa mga sakop sa Kapisanan ng mga Broadcaster ng Pilipinas.

Matud ni Maralit nga kinahanglan ang mga sakop sa media ug broadcaster magpabilin nga matinud-anon tungod kay walay lain angay nga buhaton kung dili ang pagsabwag sa kamatuoran.

“A media and broadcaster must be media and broadcaster of truth, wala nang iba, we do not play into politics, we do not play into personal motivation, it should always be in the service of truth, if we do that we always in the service of the people,” matud ni Maralit.

Ang media sa Sugbo nagsaulog karon sa Cebu Press Freedom Week nga gisugdan niadtong Domingo ug Broadcaster’s Month nga gisugdan niadtong Septiyembre 1. (GMR) (BANATNEWS)