Build, build, build ni Duterte gustong sundon ni Garcia

CEBU, Philippines — Ang pagpaayo ug pagtukod og dugang imprastraktura maoy gusto nga tutokan ni Gobernador Gwendolyn Garcia sa mga programa ug proyekto ubos sa 2020 provincial budget.

“I am following the direction of the President. We have to build, build, build. We must take care first our basic infrastructure, if we wish for economic development to happen,” matud ni Garcia.

Sumala sa gobernador nga kinahanglan nga adunay maayo nga dalan, taytayan, level- three water system ang mga barangay ug lungsod ug probinsya.

Lakip usab nga gusto ni Garcia nga mahatag ngadto sa mga barangay ang kulang nga covered courts sa mga wala pa niini.

Kini maoy kanunay himoon nga evacuation centers panahon sa kalamidad, ug ingon man ang pagpatukod og day care centers ug barangay health centers. Ang kapitolyo nipahigayon og budget call diin gidiskuyonan ang palisiya sa paggama sa proposed budget sa matag buhatan sa kapitolyo.

Matud ni Garcia nga gusto niya mahibaw-an ang nagastos sa matag opisina sa Kapitolyo sa tuig 2018  aron mao usab ang basehan sa ilang proposed budget. (/IBM)(BANATNEWS)