Dakbayan sa Sugbo obligado sa pagbalik sa P4.3 bilyon sa Filinvest

CEBU, Philippines — Gibutyag sa Cebu City Legal Office nga ang Dakbayan sa Sugbo adunay obligasyon sa pagbalik sa P4.5 bilyones nga gibayad sa Filinvest Land Inc. sa gobiyerno sa siyudad sa ilang pagpalit sa luna niadtong tuig 2015 tungod kay dili na valid ang kontrata niini.

Si City Attorney Rey Gealon nibutyag nga dihang ang Filinvest nikanselar sa kontrata duna kini epekto nga kinahanglang usbon kini apan ang kontrata dili ma-revive pinaagi sa usa ka consignment.

Ang FLI nipahibawo kini sa siyudad nga i-consign ngadto sa korte ang P2,455,443, 102 isip kinatibuk-an sa bayad sa presyo sa luna nga ilang gipalit gikan sa siyudad.

Giingong ang pagpalit sa luna ubos kini sa Deed of Sale on Installment nga kontrata niadtong Agosto, 2006.

Niadtong tuig 2015, ang FLI nipalit sa 19.2 ektarya nga luna sa siyudad nga nahimutang diha sa South Road Properties (SRP) apan giingong niuyon kini sa kanhi administrasyon nga iuli ang kontrata niadtong tuig 2016.

Ubos sa bag-ong administrasyon, Niadtong Hulyo 10 niining tuiga gikataho nga gihatag sa FLI ngadto sa buhatan ni Mayor Edgardo Labella ang kontrata apan wala kini dawata ni Labella.

Matud ni Labella nga kong seryoso ang FLI sa pagpalit sa luna mahimong gi-consign ang pagbayad niini sa korte sama sa gihimo sa consortium sa Ayala Land, Cebu Holdings Inc. ug SM Prime Holdings nga nipalit sa 26.3 ektaryang luna diha sa SRP. (/BDB)(BANATNEWS)