ICC ipahigayon, Tubig nga nagpundo nakahasol

CEBU, Philippines – Gikatakdang ipahigayon sa Septiyembre 21, 2019 ang International Coastal Clean-up (ICC).

Ang focal person sa Department of Environment and Natural Resources (DENR)-7 International Coastal Clean-up Queen Aloyan nagkanayon nga matag tuig gihimo ang maong kalihukan nga salmotan sa tanan.

Matud ni Aloyan nga usa sa nakalahi sa ICC sa ubang clean-up activities mao nga dunay himuon nga pagpanguha og datos. Ang tumong sa ICC dili lang aron mamunit sa mga basura apan ingon man pag-record sa tanang basura nga makolekta aron masuta  ang klase sa basura nga kasagarang  makolekta o kaha ipanglabay, sama sa residual, biodegradable ug uban pa.

Matud usab ni  Aloyan nga sa mga nangaging ICC nakita nga usa sa nag-top nga basura mao ang straw hinungdan nga duna nay mga palisiya sa pipila ka mga establisamento nga nagdili sa paggamit sa straw.

Base international data sa niaging tuig, ang nag-una nga basura nga nakuha mao ang opus sa sigarilyo samtang sa Pilipinas nga datos mao ang mga plastic wrapper.

Sa laing bahin, usa ka retirado nga school physician sa Department of Education Cebu City Division Dr. Josephine Valencia, residente sa 2nd street Sunrise Village, Poblacion Pardo kinsa naghambin og sakit nga breast cancer malaumon nga mahatagan og sulbad ang ilang problema kabahin sa baha diin ang tubig dili na mahubas diha sa ilang lugar. Matud ni Valencia nga ang baha sa ilang lugar dili lang tungod sa ulan adunay kusog nga bul-og sa tubig nga gikan sa highway ug ibabaw nga subdivision ug sa Pardo Cemetery  ug lakip sa dakong imburnal sa highway anaa gi-drain sa ilang lugar.  (Rowena D. Capistrano/BDB)(BANAT NEWS)