Mga dinakpang chinese ‘namakak’

CEBU, Philippines —  Daw gibugal-bugalan lang sa mga dinakpang Chinese nationals ang kapolisan nga nikostudiya kanila tungod sa pagsige og pamakak pinaagi sa pagilis-ilis og pangalan matag sila pangutan-on.

Gawas nga wala makapakita og mga lehitimong mga dokumento ang 181 ka mga Chinese nationals nga gisikop sa niaging raid tungod sa illegal online gambling sud sa usa ka hotel sa Dakbayan sa Lapu-Lapu sa mga sakop sa Criminal Investigation and Detection Group-7, gilibog-libog pa gyud nila ang mga polis.

Sumala pang Briones naglisod gyud sila pag-imbestigar sa mga dinakpan sanglit dili sila makamaong mo-Englis. Usa pa, magusab-usab ilang mga pangalan nga itug-an.

“Mapapansin mo, paiba-iba sila ng pangalan, first day, ito ang pangalan nila, second day, iba yung ibibigay na pangalan na naman. This time nag –double check kami, iba na naman ang ibinigay na pangalan ng mga Chinese detainees,” matud pa ni Briones.

Bisan gani edad nga ilang gipangtug-an nagusab-usab ug matud pang Briones senyales kini nga duna gyud silay gitago.

“Makikita mo doon pa lang, meron ng fraud na ginagawa against the Government of the Philippines ba,”dugang pa niya.

 “During the raid that we conducted the other day, wala silang mapakitang papel or documents pertaining to the said online gambling operation,” saysay pa ni Police Major Niño Briones sa CIDG-7.

Ang operasyon gihimo niadtong Sabado sa gabii sa Barangay Mactan diin nakuha sab ang gatosan ka mga computers, modem ug mga cellphones sa mga dinakpan.

Matud pa ni Briones bisan ang abogado sa mga suspek  wala makapresentar og mga dokumentong makapamatuod nga legal ang operasyon sa maong establisamento sama sa permit gikan sa Philippine Amusement, Gaming Corporation (PAGCOR).

“Wala pa ngang maipakita ang mga lawyers even na reporting to us. Pero wala namang maipakita nga mga papeles yung mga lawyers. Yung ang hinihintay natin, even yung license nila wala ngang maipakita sa atin that they are actually authorized by the PAGCOR,” si Briones miingon.

Sa pagkakaron, bisan passports walay gipakita ang mga dinakpan, apan giklaro ni Briones nga wala kini magpasabot nga illegal aliens sila.

Ang nahisgotang establisamento giingong usa ka business process outsourcing o call center company, apan may nadawat nga impormasyon ang kapolisan nga usa kini ka overseas online gambling operation.

Si Briones miingon nga adunay daghang mga impormante nga maoy naghatag og impormasyon bahin sa maong illegal nga operasyon.

Sa ilang inisyal nga imbestigasyon ang 95 porsiyento nila gikan sa Peoples Republic of China.  Samtang ang uban mga Pilipino nga naa sa maintenance department sa maong establisamento.

Bisan sa gidaghanon sa 181 nga ilaha nang nadakpan, gipadayag ni Briones nga daghan pang mga kauban ang grupo nga wala madakpi.

Kini tungod kay shifting ang trabaho sa mga suspek, dunay motrabaho sa gabii ug duna sab sa buntag.  Ang mga suspek nga nadakpan nagtrabaho sa panggabii nga shift.

“Doon sa nakuha natin na information, marami pa silang kasama kasi by shifting yung duty nila. It’s a two-shift operations, so ang nakuha natin ay yung pang-gabi, ang pinakamarami ay allegedly yung pang-umaga na mga 2,000 plus ang Chinese plus ang Chinese operators,” matud pa ni Briones.

Ang maong establisamento gipasirad-an na sa pagkakaron. (IBM)  (BANATNEWS)