Programa sa DOT suportado sa Kapitolyo
CEBU, Philippines — Gisuportahan sa probinsya sa Sugbo ang proyekto sa Department of Tourism’s (DoT) paghingusog sa kampanya aron panalipdan ang kaluwasan sa kababayen-an ug kabataan sa lalawigan.
Sa usa ka resolusyon nga gipagawas sa probinsya nga Resolution No. 1990, gipadayag niini ang suporta sa lalawigan sa maong kampanya sa natad sa turismo.
“This August body strongly supports the TourISM WoRCS program of the Department of Tourism to assist existing agencies in reducing the number of human trafficking cases in Cebu,” matud pa sa maong resolusyon.
Ang DoT, pinaagi sa TourISM WoRCS program nagtinguhang palambuon ang turismo apan protektado gihapon ang kababayen-an ug kabataan.
Ang programa naglakip sa pagpahigayon og mga seminars ug trainings aron matudloan sila sa mga pamaagi nga paglambo sa turismo nga malungtaron.
Ang Sugbo paboritong destinasyon sa mga langyaw nga mga turista ug nakatabang kini og dako sa ekonomiya niini. Apan tungod sab niini nahimong ikatulo ang probinsya sa tibuok nasud nga destinasyon sab sa mga nangabusar og kababayen-an ug kabataan.
Ikatulo ang probinsya sa dunay daghang natalang kaso sa human trafficking sukad sa tuig 2003 hangtud 2017. (/IBM)(BANATNEWS)
- Latest