Pagdugang sa TNVS padayong gikonsulta
CEBU, Philippines – Nagpahigayon og random interview sa mga stakeholders sama sa pasahero ang Land Transportation Franchising and Regulatory Board 7.
Gihimo kini human sa konsultasyon sa niaging semana sa mga operators sa taxi, pasaheroan ug mga sumasakay mahitungod sa hangyo sa mga drivers sa transport network vehicle service (TNVS) nga dugangan ang mahatagan og provisional authority.
Matud ni LTFRB-7 Director Eduardo Montealto Jr. nga pinaagi sa viber nag-submit na sila og report nga nahuman na ang pagpahigayon nila og konsultasyon dayun magpadala sila og progress report ug isunod ang written report.
Human niini, mopagawas unya og memorandum ang ilang central office kun tugutan ba nila ang additional units o kaha dili una.
“Kay depende kay ang akong argument medyo wala pa nahuman bitaw og kaning atong kuan atong mga kalsada ang uban, infrastructure and then ato pa sad gi-arrange8 ang mga initial implementation nato sa other denominations kay ang local public transport route plan nga buhaton sa LGU wala pa man gyud ma-submit tanan, gamay pa gyud ang naka-submit mao nay study-han angayan naba nga atong pun-an,” matud ni Montealto.
Dili pa sab kasulti si Montealto kun daku ba ang tsansa nga madugangan ang slots sa TNVS.
“Wa koy ikasulti ana, though favorable ang resulta atong consultation pero sa ako man gud medyo kuan pa ko depende man gud sa central office kay ila pa man gud study-han didto, maka focus gyud sila kay duna man tay team technical working group maoy mo-study gyud kung nakita nila nga pwede na,” dugang ni Montealto. (/GMR)(BANAT NEWS)
- Latest
