Family KTV bar sa Maxilom Ave. gipa-imbestigar ni Labella
CEBU, Philippines — Gimando ni Cebu City Mayor Edgardo Labella sa City Legal Office nga imbestigahan ang KTV bar sa General Maxilom Avenue diin 28 ka tawo lakip na ang 11 ka menor de edad ang naluwas sa mga anti-trafficking operation.
Matud sa mayor nga dili siya magpanuko sa pagsirado sa establisemento kun makita nga adunay tulubagon.
“At this point, I will ask the City Attorney to conduct an inquiry on the incident there. If that KTV is found to be responsible for hiring these minor children, then aside from issuing cease and desist order, initiate criminal complaints against this KTV operator,” sigon sa mayor.
Aron maseguro nga ang tanang establisemento sa siyudad ang ma-monitor, tapokon ni Labella ang City Anti-Indecency Board (CAIB) nga maoy nag-monitor sa mga hilas ug law-ay nga mga talan-awon sa bar.
Samtang ang 17 ka menor de edad nga na-rescue sa maong family KTV bar ang ipaubos sa dental aging.
Matud ni Police Lieutenant Erlinda Mayam, hepe sa Women and Children Protection Desk, nga kini tungod sa pangangkon sa mga batan-on nga anaa na sila sa saktong pangedaron.
Ang mga na-rescue nga kababayen-an ang anaa pa karon sa kustodiya sa Department of Social Welfare and Development.
Gitan-aw ug gitun-an pa karon sa kapolisan kung aduna bay tulubagon ang mga ginikanan ug establisemento sa maong kaso. (GMR) (BANATNEWS)
- Latest
