AFP-CENTCOM nangandam sa National Heroes Day

CEBU, Philippines — Nangandam ang Armed Forces of the Philippine-Central Command diin nakig-alayon sa Museo Sugbo aron paghinumdum ug pagpakita sa mga nabuhat sa mga bayani subay sa pagsaulog sa National Heroes Day karong Agosto 26.

Matud ni Major Christian Uy, Group Commander sa 3rd Civil Relation Group sa AFP-Centcom, nga nagpahigayon sila og exhibits ug symposium sa mga napili nila nga mga tunghaan.

Gisugdan nila kini niadtong unang semana niining buwana sa Mandaue Comprehensive High School dayon sa Abellana National School ug sunod semana adto sa Colegio Immaculada Concepcion ug sa Dakbayan sa Talisay.

“Kining exhibit it’s more on katong atong mga heroes, the local heroes and now them it ‘Proud Sugbuanon the descendants of heroes’ so katong atong mga local heroes, mga katipuneros kaniadto mao ni siya atong gi-exhibit to include also our mga heroes sa Second World War dinhi sa atong area and also our medal for valor awardees and last but not the least the Marawi heroes that we have. We are hoping nga mailhan sa atoang mga kabataan, mga estudyante and also the faculties kung kinsa kining mga tawhana nga karon landmark nalang siya or nahimong kadalanan sa atoang siyudad,” matud ni Uy. Gihulagway ni Uy nga importante kini aron mabalik ang gitawag nga real patriotism ug paghigugma sa nasud sa kabatan-onan maong kinahanglan magpakabana.

Samtang si Ma. Cecilia Cabañes, Museo Sugbo Researcher, niasoy nga kasagaran nga naa sa exhibit gikan sa Museo Sugbo ang mahitungod sa mga bayani sa Sugbo ingon man mga artifacts.

“We really find the participation of the Armed Forces of the Philippines effective, this partnership is very effective in promoting our advocacy, the culture and heritage advocacy kay importante man kaayo nato tanan karon nga mobalik lantaw ta sa atoang kasaysayan,” asoy ni Cabañes. (/GMR)(BANATNEWS)