Landfill sa Carmen dili na madayon

CEBU, Philippines — Mawadan na unya og kabalaka ang mga taga Carmen kay dili idayon ni Gobernador Gwendolyn Garcia ang pagpatukod og sanitary landfill sa Brgy. Dawis Sur.

Ang Kapitolyo adunay 18 ka ektarya nga luna sa maong lungsod nga gipalit kaniadto sa panahon pa ni Garcia.

Niangkon si Garcia nga ang orihinal nga plano sa maong luna nga himuon kini nga landfill apan karon nausab ang iyang hunahuna gumikan sa sensitibo nga isyu.

Atol sa iyang pangampanya sa niaging election sa maong lungsod, nisaad siya sa mga taga Carmen nga walay sanitary landfill nga itukod sa lugar, kini human nasayran niya nga ang kanhi administrasyon nakigsabot og kompaniya nga mogamit sa 10 ka ektarya aron himuong landfill.

Ang maong landfill gitinguha unta nga moserbisyo sa mga lungsod ug dakbayan sa amihanang bahin sa Sugbo.

“Naa man gud na dapit sa bukid, so ato sa na pasagdan nga green area usa na kay kahibalo mo we need to preserve that also kay naa bayay project diha in partnership with Manila water consortium kanang gikan sa luyang river nga surface water supplying 35million liters a day to MCWD” matud ni Garcia. (/DILT)(BANATNEWS)