Bagong merkado sa Mandaue buksan na
CEBU, Philippines – Gikatakda na ang pagbukas sa bag-o nga merkado publiko sa Dakbayan sa Mandaue nga nahimutang sa luyo nga bahin sa National Shrine of Saint Joseph sa Brgy. Centro.
Gipahibawo ni Mayor Jonas Cortes nga ang maong pagbukas sa merkado, nalakip kini sa mga gihan-ay nga kalihukan subay sa kasaulogan sa ika-50 ka tuig nga Charter Day Anniversary sa dakbayan.
Gitataw niini nagpadayon karon ang mga sakop sa committee on market alang sa pagsusi sa mga natala nga mga pangalan nga nagtinguha sa pag-ukopar og puwesto sa nahisgutang merkado ingon man ang pagtuon kon pila ang ilang balayranan sa puwesto.
Sa nasayran nga ang maong merkado nasugdan ang pagpatukod niini sa panahon ni Cortes ug gipadayon sa administrasyon ni kanhi mayor Luigi Quisumbing. (/DILT)(BANAT NEWS)
- Latest
