CCPO chief uyon sa bitay

CEBU, Philippines – Uyon ang direktor sa Cebu City Police Office, Police Colonel Gemma Vinluan, sa sugyot ni Presidente Rodrigo Duterte nga bitayon ang mga kriminal nga nalambigit sa ilegal nga drugas.

Si Vinluan nagkanayon nga sa personal niya nga panglantaw, uyon siya sanglit daghan na ang naapektohang inosenteng kinabuhi niini.

“Sa akin ha personally, ang human rights ay di lang rights ng mga suspects, rights ito ng mga good follower, mga responsible citizen.

Imagine mo na may mga magulang na rirape-in yung anak nila kasi naka drugs sila,” matud ni Vinluan. Matud niini nga kuwang ra ang pagpapriso sa mga suspek.

Atol sa ikaupat nga State of the Nation Address ni Duterte niadtong Lunes gipadayag niini nga buot niyang ibalik ang bitay nga sentensiya alang sa "heinous crimes related to illegal drugs and plunder." (/GMR)(BANAT NEWS)