Summit sa trapik, baha himoon sa 3 ka siyudad

CEBU, Philippines – Magpahigayon og summit ang mga Siyudad sa Sugbo, Talisay ug Mandaue alang sa pagsulbad saba ha ug trapiko.

Matud ni Cebu City Mayor Edgardo Labella nga kinahanglang adunay usa ka integrated solution alang sa maong mga problema tungod nagkanit lang ang tulo ka siyudad. “In principle we already agreed to hold the summit, we just need to finalize the other details like the date on when the summit will be. We will start first with the cities of Talisay and Mandaue but we will also include other local government units soon,” matud niya. Ang problema sa trapiko ug baha mao ang usa sa mga nag-unang prayoridad ni Labella sa iyang inaugural speech niadtong Hulyo 2.

Alang sa problema sa trapiko, si Labella nagkanayon nga ang iyang administrasyon mangita sa tabang gikan sa konseho sa dakbayan sa pagbutang og pundo alang sa bag-ong sistema sa trapiko, mga suga sa trapiko, ug uban pang gikinahanglan.

Matud pa ni Labella nga ang kagamhanan sa siyudad magtrabaho kauban sa mga kasikbit nga siyudad, munisipalidad, opisyales sa barangay sa Dakbayan sa Sugbo, ug sa Department of Public Works and Highways alang sa dinagku nga dredging sa mga agianan sa baha.

Niadtong Lunes si Labella nakigtagbo na sa DPWH Cebu City Engineering District ug sa Department of Engineering ug Public Works alang sa massive dredging sa mga waterways sa siyudad.

Gihisgutan ang plano sa paghimo sa usa ka dinagkung dredging aron limpyohan ang dagkung mga suba ug mga agianan sa tubig sa siyudad.

Atol sa kusog nga pagbunok sa ulan, ang siyudad makasinati og taas-taas nga baha sa pipila ka lugar sa Mambaling, Mabolo, Lahug, ug uban pa. (Jean Marvette A. Demecillo/GMR)

Ambulansiya sa Kapitolyo gibahin

Giklaro sa Kapitolyo ang pagpangbawi sa mga ambulansiya nga anaa sa kalungsuran.

Kini human wala nakapadala og ambulansiya ang munisipyo sa Boljoon sa nahitaboan sa aksidente kagahapon gumikan kay ang usa nila ka ambulansiya guba ug ang usa gibawi sa Kapitolyo.

Ang ambulansiya nga gibawi gipagamit sa Sogod District Hospital diin walay ambulansiya nga magamit.

Buot ni Gobernador Gwendolyn Garcia nga ang upat ka provincial hospitals ug 12 ka district hospitals adunay ambulansiya samtang mamalit pa og dugang.

Hinoon ang Provincial Social Welfare and Development Office ug Integrated Provincial Health Office ang niresponde dayun sa aksidente sa Boljoon aron pag-atiman sa mga pasyente ug paghatag og hinabang sa mga namatay. (/GMR)(BANAT NEWS)