Nag-billiard gipusil patay

CEBU, Philippines — Patay ang 39-anyos nga lalaki nga nagduwa og billiard human gipusil sa Sitio Viking, Alaska, Barangay Mambaling, Dakbayan sa Sugbo ala una sa kaadlawon kagahapon.

Ang biktima naila nga si Marlon Gomez, ulitawo, walay trabaho ug residente sa maong lugar samtang ang nag-inusara nga mamumuno wala mailhi.

Base sa imbestigasyon sa kapolisan nga kuyog ang biktima sa mga higala niini dihang niabot ang mamumuno ug dayun namusil kang Gomez sulod sa duha ka higayon.

Human niini dali ra sab nisibat ang mamumuno agi sa suot-suot nga dalan sa maong lugar.

Ang biktima nakaangkon og samad pinusilan sa iyang tuong dughan nga maoy naingnan sa hinanali niini nga kamatayon.

Pipila sa kabanay ug higala sa biktima ang nitug-an nga aduna kini gikabikil niadtong nilabay nga mga semana. (GMR) (BANAT NEWS)