Dizon nisugyot og offsite session
CEBU, Philippines — Si Konsehal Alvin Dizon sa Dakbayan sa Sugbo ang niduso og sugyot sa pag-institutionalize sa quarterly offsite sa regular session sa konseho diha sa nagkalain-laing barangay sa siyudad.
Si Dizon nagkanayon nga ang katuyoan sa mao niyang sugyot aron mapaduol ang konseho ngadto sa mga residente o konstituwente sa siyudad ug labi nilang masayran ang mga panginahanglanon sa kabarangayan.
Matud ni Dizon nga ang ika-12th Sangguniang Panlungsod sa siyudad nagpahigayon sa regular session sa Barangay Bonbon, Guba, Talamban, ug Luz.
Gipasabot ni Dizon nga ang mga regular nga session diha sa nagkalain-laing mga barangay gipahigayon sa hustong paagi ug gidawat sa opisyales sa barangay ug mga lumulupyo kaniadto.
Ang pagpahigayon sa offsite regular session makatabang sa mga botante sa siyudad nga masabtan ang trabaho ug gimbuhaton sa mga sakop sa konseho. (/BDB)(BANATNEWS)
- Latest
