HVT patay sa buybust
CEBU, Philippines – Patay ang usa ka High Value Target sa City Intelligence Branch sa Mandaue City Police Office human kini nisukol sa gipahiayon nga buy bust operation ug usa usab ang nasikop sa may San Vicente Ferrer, Barangay Tabok, sa maong dakbayan niadtong Huwebes sa gabii.
Ang nakalas naila nga si Danilo Balabag, alyas Danilo, 32, samtang ang nadakpan mao si Jun-jun Baylosis, 24, pulos residente sa maong lugar.
Nipahigayon og buy bust ang CIB base sa impormasyong ilang nadawat batok ni Balabag, apan nakabantay kini nga Balabag ang gikatransaksyon niini.
Sumala pa nga dali kining nibunot sa iyang armas ug nipusil ngadto sa raiding team apan dali ra usab kini napusilan sa mga nagkatap ng daan nga mga operatiba diha sa lugar.
Nasakmit gikan sa namatay ug dinakpan ang usa ka black widow snub nose caliber .22 revolver nga adunay upat ka bala ug mga pinutos nga ginadili nga drugas nga motimbang og 0.18 grams nga mobalor og 1,224.00 base sa Dangerous Drug Board Value ug buy bust money.
Si Balabag gidala sa Mandaue District Hospital apan gideklarar kining patay na. Samtang ang iyang kauban gibalhog na sa prisohan. (Romeo Limpangog/IBM)(BANAT NEWS)
- Latest
