Mandaue usa ka ‘business friendly’-Cortes

CEBU, Philippines – Gipaniguro ni Mayor  Jonas  Cortes nga ang  kagamhanan  sa  Dakbayan sa Mandaue nga ubos sa iyang administrasyon ang mahimo gayod nga mahigalaon ngadto sa tanan nga magpapatigayon.

Gipadayag kini ni Cortes  nunot usab sa iyang tinguha nga paghapsay sa mga kakulian nga nasinati sa mga Big Hotel  nga gitinguhang pasirad-an unta ni kanhi mayor  Luigi Quisumbing.

Naglakip  karon sa mga lakang nga pagahimoon ni Mayor Cortes  mao ang pagpakigtagbo sa mga opisyal sa nahisgotang establisamento  sa ingon ilang mahapsay ang mga nasinati nga kakulian niini.

“Promise the business community that Mandaue will once again be business friendly,”  ni Mayor Cortes pa.

Gumikan niini maoy iyang tinguha ang pagpakigtagbo  sa mga opisyal sa nahisgotang hotel aron sa ingon ilang lingkoran ug matuki ang mga mahinungdan nga mga butang  sa paghatag og kasulbaran sa nasinati nga kakulian. (/LPM)(BANAT NEWS)