P100 milyong cash a simbahan gikawat

CEBU, Philippines – Gibana-banang nikabat ngadto sa P100 mil ang kantidad sa kwarta nga nadala sa wala mailhing kawatan kinsa nilungkab sa buhatan sa St. Francis de Assisi Parish sa Dakbayan sa Naga niadtong Martes sa buntag.

Si Virginia Cantiveros ug Joy Manapsal mga kawani sa parokya ang daling ni-report sa kapolisan human nila madiskubrehi nga nawagtang na ang sobre diha sa drawer nga gisudlan sa kwarta gikan sa pamisa ug halin sa religious articles.

Matud ni Police Staff Sergeant Ariel Yap sa City of Naga Police Station sa pagkakaron padayon pa ang ilang gihimo nga imbestigation apan aduna na silay gitan-aw nga  lima ka person of interest.

Dugang ni Yap nga giguba ang grill sa bintana sa opisina nga dili layo sa parokya ug didto niagi ang tawo dayon gikuha ang maong kwarta nga anaa sa sobre sulod sa drawer. (/BDB)(BANAT NEWS)