Mga political officers naghugpong
CEBU, Philippines — Tinguha sa mga political officers lukop nasud nga ma-professionalized ang ilang grupo aron molungtad pa ang ilang trabaho.
Kini ang tumong sa pag-umol sa Political Officers League of the Philippines nga gipangulohan ni kanhi Tuburan mayor, karon Bise Mayor Democrito “Aljun” Diamante.
Sa usa ka press conference niadtong Sabado, si Diamante ug ubang mga miyembro ug opisyal nipadayag nga tuyo nila nga mausab ang sistema sa politika sa nasud ilabi na ang pagsanta sa pinalitay og botos panahon sa eleksyon.
Buotsa grupo nga matabangan ang nasud ingon man ang mga politiko nga makamao apan walay kwarta nga ikagasto sa kampanya.
Ang PolPhil gitukod ni Diamante niadtong 2017 sa tumong nga matabangan ang mga political officers ug aduna silay kasegurohan human sa eleksyon.
Mohatag sab sila og mga trainings ug seminars aron mapalambo pa ang kinaadman sa mga sakop.
Sa pagkakaron ang grupo adunay kapin usa ka gatus ka sakop ug gilauman nga mas modaghan pa kini sa umaabot nga panahon. (BANATNEWS)
- Latest